Unsere Folgen

NoGo’s bim Date

Folge 01-01: Willkomme bim BARWANNE Podcast! Ide erste Folg lernemer eus kenne mit Frage über Dating, Religion und Charaktereigeschafte. Schnapp der au es Gläsli!

Heartbreak us Lust und Luune

Folge 01-02: Frohi Osteree! Währendem Eierfärbe verzellt d Helin, dass sie sich am liebste jede Tag wür verchleide und d Nicole schwärmt vom Brunche! Usserdem redemer über Festtäg, Traditione und vieles meh zumne Glas Aperol Spritz. Viva!

Girl Code & Bro Code

Folge 01-03: Da simmer wieder! Ide dritte Folg redemer bime Glas Rootwii über dRegle vom Girl Code, wie zum Bispiel eb mer de Ex vode Kollegin derf date! Schenk der au es Glas ihh und join eus ide Barwanne!

Offeni Beziehig, Betrüge und Zeme Alt Werde

Folge 01-04: Schalt ihh fürs Staffelfinale vode erste Staffle vom Barwanne Podcast. Ih dere Folg widmemer eus miteme Mojito ide Hand na es letschts mal am Thema Dating. Zum Abschluss redemer über hypothetischi Szenarie inere Beziehig und bim Date. Cheers!

Fraue sind Spitzer als Manne
– mit Nico und Sven

Folge 02-01: Begrüessed eusi Gäst! Die Staffle derfemer eu es paar vo eusne Kolleg*inne vorstelle. Die Wuche redemer mitem Sven und em Nico über Gender Stereotype. Da dezue trinkemer euses Go-To-Getränk: En Vodka Lime mit Sprite! Prösteeeel!

Eis Jahr en Sugardaddy
– mit em Philip

Folge 02-02: I de hütige Folg packed mer eusi absurdiste Träum us und analysiered sie mit eusem Gast, em Philip! Mer reded über Sugardaddies, muskulösi Schwein und lebensrettendi Spagat Dezue trinked mer em Philip sin Lieblingsdrink – Sangria usem Denner. Cin Cin!

D‘Aline gaht zu GNTM
– mit de Aline

Folge 02-03: En guete Start id Wuche! Hüt höckled mer mit de Aline i eusere Barwanne und beantwortet Frage vo 17 vo eusne Klassegspäändli. Wie käuflich sind mir, was sind green flags inere Fründschaft und wie wür‘s usgseh, wenn euse Po um 90° dreht wer? Mer freued eus uf dich!

5 Fraue inere Badwanne
– mit Lorena, Léonie und Lynn

Folge 02-04: I eusem zweite Staffelfinale tested mir eusi beste Kolleginne vo Winterthur mit Quizfrage über euses Lebe und d‘Welt. Lern d’Lynn, d’Lorena und d’Léonie kenne und find use, wer s‘klügste Köpfchen isch! Zum Wohl!

Skorpion, Fisch und Zwilling

Folge 03-01: Hüt started mer i die dritti Staffle vom Barwanne Podcast! Mer reded über euses Stern- und Mondzeiche und eusi Aszendente und diskutiered, wie gnau so öpis überhaupt chan sie. Mer freued eus, wennd debi bisch!

D’Helin isch gliich wie de Eric Weber – Persönlichkeitstests

Folge 03-02: Hüt lerned ihr eus nomal richtig kenne! Mir hend beidi de Persönlichkeitstest gmacht vo Myers und Briggs und reded drüber, wie sehr s‘Resultat uf eus zuetrifft und wie fescht mer so Tests chan vertraue. Dezue schlürfed mer en Amaretto Sour. Yamas!

Was bedütet Selbstliebi

Folge 03-03: Hüt wirds deep ide Barwanne! Mer redet über dBedüütig vo Selbstliebi, wie mirs praktiziered und was Schwierigkeite demit sind! Dezue tümer miteme Mimosa uskatere! Nazdorovje!

Adiós! – Mir verabschieded eus

Folge 03-04: Mir verabschiedet euus! Ide letschte Folg vom Barwanne Podcast übergebemer eu s Wort und lönd eu bestimme, was die Folg so lauft! Mer redet über Broccoli, Schicksal und Urintrichter! Schalted ihh und stossed es letschts Mal mit eus ahh! Danke vielmal, daser eus zueglost hend und Prost ihr Säcke!